БИШКЕК, 18-авг. — Sputnik. Кыргызстандык жаранды алдап 1,8 миллион долларлык криптовалютасын алып алган деген шек менен чет элдик кармалды. Бул туурасында УКМКнын маалымат кызматы билдирди.
15-августта чекисттер чет өлкөлүк жаранды кармап тергөө абагына киргизген. Ал трансулуттук уюшкан кылмыштуу топтун мүчөсү болуп саналары белгиленди.
УКМК бул кылмышка тиешеси бар башка адамдарды да издеп жатат.