Өлкөдөгү үрөнчүлүк секторуна көңүл бурулуп, чет өлкөдөн ташылган үрөндүн сапаты катуу көзөмөлдөнөт. Бул тууралуу Бакыт Мамбетов Sputnik Кыргызстан радиосунун эфиринде маек куруп жатып билдирди.
Анын айтымында, республика аймагындагы үрөнчүлүк чарбаларына жаңы талаптар, шарттар коюлуп, бизнеске жеңилдиктер берилет.
"Президент Садыр Жапаров өлкөнүн айыл чарбасынын үрөнчүлүк тармагын жөнгө салуучу ченемдик-укуктук базаны өркүндөтүүгө багытталган мыйзамга кол койду. Үрөнчүлүктү өнүктүрүү механизмдерин жакшыртуу, импорттолгон айыл чарба өсүмдүктөрүнүн үрөнүн жана отургузуу материалдарынын сапатын жакшыртуу, алардын ишин камсыздоо, бул чөйрөдө иштеген бизнеске шарт түзүү максатында мыйзамга өзгөртүүлөр киргизилди. Мындан тышкары, республика аймагындагы үрөнчүлүк чарбаларына жаңы талаптар, шарттар коюлуп, бизнеске жеңилдиктер берилет. Эң негизгиси, үрөндүн сапатына көңүл бурулат", — деди Мамбетов.
Ошондой эле адис өлкөдө үрөн боюнча айыл чарба өсүмдүктөрүнүн таңсыктыгы жок экенин кошумчалады.