1500гө чукул россиялык жана чет элдик компаниялар заманбап, перспективдүү курал-жарактардын, аскердик жана атайын техникалардын үлгүсүн тартуулашты. Форумга келген коноктор 28 миңден ашуун экспонаттарды көрө алышат. Иш-чара үч аянтчада өтүп жатат: Патриот көргөзмө борборунда, “Алабино” полигонунда жана Кубинка аэродромунда. Көргөзмө экспозициясынын аянты 300 миң чарчы метрди түзөт.
Форумда биринчи жолу Россиянын өзү жүрө турган дөңгөлөктүү 152 калибрдеги “Мальва” артиллериялык орнотмосу, дрондорго каршы күрөшүүчү “Рать” мобилдик комплексинин жаңы версиясы көрсөтүлөт. Ошондой эле учкучсуз аппараттардын мизин кайтаруучу: дронго каршы курал “Пишаль-Про”, “Серп-ВС5” комплекси, ар тараптуу багыттагы “Купол” комплекси тартууланат.
Жыйынтыгында 433 миллиард рублден ашкан келишимге кол коюлары күтүлүүдө. Форумдун алкагында Эл аралык коопсуздук боюнча XI Москва конференциясы жана II Эл аралык антифашисттик конгресс өтөт.
Иш-чара 20-августка чейин уланат.