БИШКЕК, 9-авг. — Sputnik. Абадан коргонуу күчтөрү Москвага сокку урууга аракет кылган эки учкучсуз аппаратты Подмосковьеден атып түшүрдү. Бул тууралуу калаа мэри Сергей Собянин Telegram-каналына жазды.
Дрондун бири Домодедово районунда, экинчиси Минск шоссесинде жок кылынган.
Россиянын Коргоо министрлигинин маалымат кызматы кыйроолор жана жаракат алган адамдар жок экенин билдирди.
"Бүгүн түндө киевдик режимдин учкучсуз аппараттар менен Москванын аймагына террордук чабуул жасоо аракетине бөгөт коюлду. Абадан коргонуу каражаттары менен эки дрондун изи кайтарылды", — деп айтылат маалыматта.
Бул украин Куралдуу күчтөрүнүн Москвада теракт кылууга жасаган биринчи аракети эмес. РФтин Коргоо министрлиги 6-августта да учуп келе жаткан бир аппаратты жок кылган. 1-августта дагы үч учкучсуз аппарат Москвадагы жана Подмосковьедеги объектилерге чабуул коюуга аракет кылган. Бир дронду абадан кол салууга каршы система атып түшүрүп, экөө зыянсыздандырылып, "Москва-Сити" комплексинин аймагына кулаган.