БИШКЕК, 7-авг. — Sputnik. Украина президенти Владимир Зеленский аргентиналык Nacion басылмасына берген маегинде эгин келишиминен чыккандан кийин Кара деңиздеги дан коридорун тосууну улантса Россия кемесиз калат деп опурулган. Бул тууралуу РИА Новости жазды.
"Дан коридору тосулуп калгандан кийин Украина (продукциясын экспорттой турган) башка жолду издөөгө аргасыз болот. Эгерде Россия Кара деңизде атып, үстөмдүгүн кыла берсе, Украина коргонот... Россия мунусун улантса, чатактын аягында бир дагы кемеси жок калат", — деген Зеленский.
Интервью басылманын YouTube каналына жайгаштырылган.
Кара деңиз демилгесине 2022-жылдын 22-июлунда Россиянын, Түркиянын, Украинанын жана БУУнун өкүлдөрү кол койгон. Анын алкагында дан эгиндери украиналык үч, атап айтканда, Одесса, Кара деңиз жана Түштүк портторунан сыртка чыгарылат.
Кеме кыймылын координациялоо Стамбулдагы биргелешкен координациялык борбор тарабынан ишке ашырылат. Путин Батыш Украина данынын көпчүлүк бөлүгүн Африканын муктаж өлкөлөрүнө эмес, өз мамлекеттерине ташып кетип жатканын айткан.
Кара деңиз дан демилгеси пакеттик макулдашуунун ажырагыс бөлүгү болуп саналат. Үч жылга эсептелген Россия — БУУ меморандумунун экинчи бөлүгү Россиянын азык-түлүк жана жер семирткичтердин экспортуна бөгөт коюуну, Россельхозбанкты SWIFT системасына кайра кошууну, айыл чарба техникаларын, запастык бөлүктөрдү жана кызматтарды берүүнү калыбына келтирүүнү, Тольятти — Одесса аммиак түтүгүнүн ишин калыбына келтирүүнү карайт.
Москвада белгиленгендей, пакеттик макулдашуунун бул бөлүгү аткарыла элек.