БИШКЕК, 7-авг. — Sputnik. Кыргызстандык Нурсултан Кеңешбеков Кытайдын Чэнду шаарында өтүп жаткан дүйнөлүк универсиадада коло медалга ээ болгонун Дене тарбия департаменти билдирди.
Анын байгеси мындай масштабдуу мелдеште кыргыз жеңил атлетикасынын тарыхындагы биринчи медаль болуп калды.
Кеңешбеков 5 чакырымдык жарышка түшкөн. 14 мүнөт 15,33 секундда келип, франциялык жеңүүчүдөн болгону 1,23 секундага артта калды.
© Фото / Департамент физической культуры и спорта
Кыргызстандык спортчулар жеңил атлетика, дзюдо, стол тенниси, тхеквондо жана ок атуу боюнча күч сынашып жатат.