БИШКЕК, 4-авг. — Sputnik. Сауд өнүктүрүү фонду Кыргызстанда турак жай курууга 100 миллион доллар бөлдү. Ал каражат кайсы объектилерге сарпталарын "Мамлекеттик ипотекалык компаниянын" маалымат катчысы Жылдыз Бекбаева Sputnik Кыргызстан радиосуна берген маегинде айтып берди.
Бекбаева Бишкек шаарындагы мурдагы №47 түзөтүү абагынын ордуна бюджеттик каражаттын эсебинен турак жай комплексинин курулушу башталганын эске салды.
"Сауд өнүктүрүү фонду тарабынан бөлүнгөн 100 миллион доллар комплекстин курулушунун экинчи этабына жумшалат. Андагы батирлер "кийинки сатып алуу менен ижарага алуу" механизми боюнча берилет. Бул үчүн баштапкы төлөм талап кылынбайт. Адам 25 жыл батирдин ижарасын төлөйт, ал эми сумма толук төлөнгөндө турак жай анын менчигине өтөт. Мындай ипотека бюджеттик уюмдардын кызматкерлерине жылына 4 пайыз үстөк менен берилет", — деп түшүндүрдү Бекбаева.
Анын айтымында, МИК өткөн жылы банк аркылуу турак жай үчүн ипотеканын рекорддук баасын каржылаган, бирок жаңы имараттарды куруу арзан экени аныкталган.