БИШКЕК, 4-авг. — Sputnik. Кыргызстандын Антимонополия кызматы "Яндекс таксиге" мыйзам бузууларды четтетүүгө бир айдан бир аз көбүрөөк мөөнөт берди.
Ведомство мыйзамга туура келбеген үч фактыны таап чыккан.
Алар:
жүргүнчүлөргө маалымат толук жана так жеткен эмес;
көрсөтүлгөн кызматтын сапаты жана коопсуздугу начар;
эл көп чакырган учурда баалардын коюлуш ыкмасы түшүнүксүз.
Компанияга эскертүү жөнөтүлгөн. "Яндекс таксиге" мыйзам бузулган учурларды четтетишине 7-сентябрга чейин мөөнөт беришти.