Бишкек калаасын "Орто-Алыш" жана "Ала-Арча" деп аталган артезиан суусу чыккан аймактар камсыздайт. Мөңгү жана жамгырдын суусу Аламүдүн, Ала-Арча жана башка дарыяларга түшөт да, жерден сарыгып отуруп, тагыраагы, табигый чыпкалагычтан өтүп, артезиан суусун пайда кылат.
Жер алдындагы суулардын топтолушу
© Sputnik_Infographics
Алгач аны биринчи деңгээлдеги көтөргүчтөгү насостун жардамы менен 200-250 метрден алып чыгышат. Андан соң суюк хлор (хлорка менен алмаштырып албаңыз) менен зыянсыздандырышат.
Насостор жер алдындагы сууларды резервуарга соруп чыгарат
© Sputnik_Infographics
Орто-Алыш суу алгычында да кум тунуучу курулуштар бар. Бул жол менен сууну андан аркы тазалоого даярдашат. Бир катар суу кампаларында бактерициддик дезинфекциялоочу жайлар бар.
Зыянсыздандырылган суу
© Sputnik_Infographics
Үчүнчү этапта түтүктөр аркылуу шаарга жеткирилип, экинчи деңгээлдеги көтөргүч насостук станцияларга куюлат.
Жалпы системага берүү
© Sputnik_Infographics
Андан ары куурлар менен агып жүрүп отуруп, аны бир, эки кабатка чыгарууга болот. Ал эми көп кабаттуу үйлөргө алып чыгуу үчүн үчүнчү деңгээлдеги көтөргүч насостук станциялар каралган.
Суунун үйлөргө жетиши
© Sputnik_Infographics