БИШКЕК, 31-июл. — Sputnik. Үстүбүздөгү жылдын январь айынан майга чейин Кыргызстанга баалуу металлдан жасалган 0,8 тонна зер буюм киргизилген. Бул тууралуу Улуттук статистика комитетинин маалыматында айтылат.
Көрсөтүлгөн көлөмдүн баары 1,9 миллион долларга бааланган.
Экспортчу өлкөлөр:
Түркия — 0,6 тонна;
Италия — 0,2 тонна.
Мындан тышкары, Израиль, Индия, Индонезия, Кытай, БАЭ, Россия мамлекеттеринен да анча көп эмес көлөмдө алып келинген. Өткөн жылы ушул эле убакыт аралыгында 13,9 тонна зер буюм импорттолгон (2,7 миллион доллар).