БИШКЕК, 30-июл. — Sputnik. Кыргызгидромет агенттиги алдыдагы аптада күтүлгөн аба ырайы тууралуу маалымат берди.
Ага ылайык, борбор калаада кийинки жекшембиге чейин жаан жаабайт. Күндүн табы 39 градуска чейин көтөрүлөт.
Чүй облусу
Тоолуу аймактарда 31-июлдан 1-августка чейин өткүн өтөт, өрөөндөрдө жаан-чачын күтүлбөйт. Ал эми 6-августта күн ачык болот.
Талас облусу
31-июлда тоолуу жерлерде өткүн өтөт, бирок дыйканчылык аймактарда асман ачык бойдон турат. Андан кийин апта аягына чейин жамгыр жаабайт.
Ош, Жалал-Абад облустары
Бул жумада жамгыр жаабай күн ачык болот, тоолуу аймактарда гана өткүн өтүшү ыктымал. Абанын температурасы 39 градуска чейин жетет.
Баткен облусу
31-июлда тоолуу райондордо өткүн өтөт. Ошол бойдон 6-августка дейре облустун бардык аймагында күн чайыттай ачык болот.
Ысык-Көл облусу
31-июлдан 2-августка чейин айрым жерлерде, 3-5-август күндөрү тоолуу аймактарда өткүн өтүп басылат. 6-августта да кээ бир райондордо өткүн өтөт. Күн 36 градуска чейин ысыйт.
Нарын облусу
Бул аптада Теңир-Тоодо күн ачык болот, айрым жерлерде гана өткүн өтүп токтойт.