БИШКЕК, 29-июл. — Sputnik. Сокулук районунун милициясына түнкү кол салуу фактысынан кийин алты киши кармалып, алып келинди. Бул тууралуу Чүй облустук милициясынан кабарлаган.
Окуя 28-июлга караган түнү Төмөнкү-Чүй айылында болгон. Интернетке жаалданган таякчандардын башкаларга себепсиз кол салган видеосу жарыяланган.
Андан капарсыз кетип бараткан кишини таякчан, беттерин жаап алгандардын тобундагылар чала-була сермеп калганы, бирок беркинин качып кутулганын көрүүгө болот.
Милиция ээнбаштардын бир нече кишилерди сабап, эки автоунааны талкалаганын билдирди.
Учурда кармалгандардын аты-жөнү жана башка маалыматтары такталып, алтоо тең милициянын бөлүмүнө жеткирилген. Учурда тергөө иштери жүрүп, ал тиешелүү жетекчилердин көзөмөлүндө экени айтылды.