БИШКЕК, 29-июл. — Sputnik. Жеке колго ижарага берилип кеткен баасы кымбат жер тилкелери мамлекетке кайтарылганын УКМКнын маалымат кызматы билдирди.
Атайын кызмат тергөө иштеринде Равшан Жээнбековдун жубайы Салкынай Алимбаева, жеке бизнестин өкүлдөрүнүн ишенимине кирип акча алганы деген маалыматты таратты.
“Жеке бизнестин өкүлдөрүнүн ишенимине кирип, мамлекеттик органдарда байланышы бардыгына ишендирип, 500 миң доллар алгандыгы аныкталды. Бул кыймылсыз мүлктү ижарага берүү боюнча аукциондо жеңишти ыйгаруу үчүн жасалган. Анда "Инфосистема" мамлекеттик ишканасында болгон байланыштары пайдаланылган”, — деп айтылган УКМКнын билдирүүсүндө.
Аталган адамдар аркылуу “ашыкча” катышуучулардын аракеттерине бөгөт коюу функциясын мыйзамсыз пайдаланылганын айтышты. Бишкек шаарындагы кымбат баалуу эки жер тилкесин ижарага берүү боюнча тооруктарда "Электрондук соода платформасы" автоматташтырылган тутумунда көрсөтүлгөн жеке бизнес өкүлдөрүнүн жеңишин камсыз кылганын деп белгилешти.
Тергөөнүн жүрүшүндө көрүлгөн чаралар менен экспертизанын корутундусуна ылайык, баасы 1 464 383 000 сомду түзгөн жер тилкелери мамлекетке кайтарылып, келтирилген зыяндын орду толугу менен толтурулган.
Алимбаева менен бирге жооптуу кызматкерлер "Инфосистема" жана бул кылмышка тиешеси бар айрым жарандар кылмыш жоопкерчилигине тартылган. Бул иш боюнча тергөө иштери акыркы стадиясында экендигин, УКМК бул кылмыш иши боюнча тергөөнүн жыйынтыгы тууралуу коомчулукка кошумча маалымат берерин кошумчалады.