БИШКЕК, 29-июл. — Sputnik. Борбор калаадагы Жал кичи районуна чакырууга барган Тез жардам кызматы аялдын каза болгонун жана денесиндеги жаракаттарды аныктаган. Ага шектүү катары 32 жаштагы жаран кармалган. Бул тууралуу Ленин райондук ички иштер бөлүмүнүн маалымат кызматынан кабарлады.
Адам өлүмү боюнча маалыматтан кийин Ленин райондук милициясынын ыкчам тергөө тобу аталган жерге барган. Окуя боюнча маалымат милицияга саат 21:40та түшкөн. Көз жумган 40 жаштагы Ш.М. аттуу жаран экени аныкталды.
Милиция Кылмыш-жаза кодексинин 122-беренеси (“Адам өлтүрүү”) боюнча иш козгогон. Тиешелүү экспертизалар дайындалып, тергөө жүрүп жатканын кошумчалады.