БИШКЕК, 27-июл. — Sputnik. Садыр Жапаров бүгүн, 27-июлда, Ош шаарындагы стадионду капиталдык реконструкциялоонун жүрүшү менен таанышты. Бул тууралуу президенттин маалымат кызматы билдирди.
“Азия футбол конфедерациясынын талаптарына ылайык, футболчулар үчүн кийим алмаштыруучу жайлар жана душ бөлмөлөрү капиталдык оңдоодон өткөрүлөт”, — деп айтылат маалыматта.
1961-жылы курулган стадион биринчи жолу капиталдык реконструкциядан өтүп жаткандыгы кошумчаланды.
Ошондой эле мамлекет башчы кошумча каражат бөлүп, жакын арада стадионду толук реконструкциялап бүтүрүүнү тапшырды.