БИШКЕК, 27-июл. — Sputnik. "Ысык-Көл — 2023" Эл аралык VII экономикалык форумунда өлкө тарыхындагы эң ири инвестициялык келишимдердин бирине кол коюлду. Кеп 2 миллиард долларга Казарман ГЭС каскадын куруу жөнүндө болуп жатат. Бул тууралуу Инвестициялар боюнча улуттук агенттиктин директору Умбриэль Темиралиев билдирди.
Анын айтымына караганда, кытай компанияларынын консорциуму Нарын дарыясында 2 миллиард долларлык долбоорду ишке ашырат. Ага жалпы кубаттуулугу 1 160 МВтты түзгөн 4 гидроэлектростанция камтылып, 2030-жылы эксплуатацияга берилет.
Форумда жалпы жонунан 11 келишимге кол коюлду. Анда айыл чарба, энергетика, туризм, Асмандын аймагына технопарк түзүү камтылган.