БИШКЕК, 25-июл. — Sputnik. Борбор калаанын бир бөлүгүндө 26-июлдан 28ине чейин газ өчүрүлөт. Бул туурасында “Бишкек газ” мекемеси билдирди.
Тагыраак айтканда, Дэн Сяопин, Киров, Кустанай жана Абакан көчөлөрүндө көгүлтүр от эки күнгө үзгүлтүккө учурайт. Бул күндөрү кышкы сезонго даярдык көрүү үчүн оңдоо иштери жүргүзүлөт.
“Бишкек газ” абоненттерин түзүлгөн кырдаалды түшүнүү менен кабыл алып, убактылуу энергиянын альтернативдүү булактарына өтүп турууга чакырды.