БИШКЕК, 23-июл. — Sputnik. Кыргызгидромет алдыдагы аптада аба ырайы кандай болору тууралуу маалымат таратты.
Өлкө аймагында 24-июлдан 30-июлга чейин күндүн ысыгы сакталат.
Бишкекте жума ичинде жаан-чачын болбойт. 25-июлда күн 39 градуска чейин ысыйт. 27-июлда батыштан соккон шамалдын ылдамдыгы секундасына 14 метрге жетет.
Чүй
Апта ичинде күндүз тоолуу райондордо өткүн өтүп, күн күркүрөйт. 27-июлда батыштан соккон шамалдын ылдамдыгы секундасына 15-20 метрге жетиши күтүлөт. Күндүн ысыгы 38-39 градуска чейин жетет.
Талас
24-30-июлда жаан-чачын болбойт. Батыштан соккон шамалдын ылдамдыгы 27-июлда күндүз 14 метрге жетет. Абанын күндүзгү температурасы 35-37 градус болот.
Ош
24-30-июлга чейин күндүз тоолуу райондордо өткүн өтүп, күн күркүрөйт. 27-июлда күн 40 градуска чейин ысыйт. Ушул эле күнү айрым жерлерде батыштан соккон шамалдын ылдамдыгы секундасына 15-20 метрге жетет.
Жалал-Абад, Баткен
Жума ичинде күндүз тоолуу райондордо өткүн өтүп, күн күркүрөйт. 27-июлда батыштан соккон шамалдын ылдамдыгы секундасына 15-20 метрге жетет.
Ысык-Көл
Бул облуста дагы жума ичинде күндүз өткүн өтүп, күн күркүрөйт. Күн 33 градуска чейин ысыйт.
Нарын
Облуста жума ичинде айрым аймактарда өткүн өтүп, батыштан соккон шамалдын ылдамдыгы секундасына 27-июлда күндүз 14 метрге жетет. Күн 35 градуска чейин ысыйт.