БИШКЕК, 22-июл. – Sputnik. Чүй облусунун жашоочусу Д.А. аттуу аял 20-июлда Ысык-Көл райондук милициясына өспүрүм баласы уурдалганын айтып, кайрылган. Бул тууралуу Ысык-Көл ОИИБ маалымдады.
Милицияга кайрылган аялдын арызында окуя 20-июлда Бостери айылындагы эс алуучу жайлардын биринде болгондугу жазылган. Тартип сакчылар баланы издеп баштаган.
"Издөө иштеринин натыйжасында ошол эле күнү саат 21:00дө өспүрүм Чүй облусунан табылды. Ал аман-эсен энесине өткөрүп берилген. Бул факт боюнча Кылмыш-жаза кодексинин 165-беренеси ("Адам уурдоо") менен иш козголду. Иликтөө иштеринин жыйынтыгында кошумча маалыматтар берилет", — деп айтылат облустук милициянын маалыматында.