БИШКЕК, 22-июл. — Sputnik. УКМК чек арачыларды Камчыбек Ташиевдин баласы Таймурастын атын айтып, коркутуп-үркүткөн кыргызстандыкты кармады. Бул тууралуу атайын кызматтын басма сөз бөлүмүнөн кабарлады.
Окуя Чүй облусундагы Ак-Тилек көзөмөл өткөрүү жайында болгон. Маалыматта Toyota Land Cruser айдаган жаран Казакстанга өтүү ниетин көздөгөндүгүн жана жолдун каршы тилкесине чыгып алып айдагандыгы айтылат.
Аны чек арачылар токтоткондо Таймурас Ташиев менен байланыштары бар экендигин айтып, коркутуп-үркүтө баштаган. Натыйжада ага карата кылмыш иши козголуп, УКМКнын тергөө абагынын убактылуу кармаган жайына киргизилген.