БИШКЕК, 22-июл. – Sputnik. Казакстандын футбол федерациясынын башчысы Адлет Берменкулов FIFA уюмуна 2034-жылы футбол боюнча дүйнө чемпионатын Өзбекстан менен биргеликте өткөрүүгө билдирме берүүнү сунуштады.
Ал мындай сунушту Борбор Азиядагы түрк тилдүү өлкөлөрдүн Футбол ассоциацияларынын расмий өкүлдөрүнүн Кыргызстанда өткөн саммитинде айткан.
2026-жылы футбол боюнча дүйнө чемпионаты дароо үч өлкөдө – Канада, Мексика жана АКШда болот. 2030-жылы биринчи дүйнө чемпионатынын өткөндүгүнө 100 жыл толот, бул жылы дүйнөлүк масштабдагы оюн кайсы өлкөдө өткөрүлөрү аныктала элек. Айта кетсек, футбол боюнча дүйнө чемпионаты төрт жылда бир өтөт.