БИШКЕК, 19-июл. — Sputnik. Жыл башынан бери социалдык келишимдин алкагында өлкө боюнча 1 289 жаңы өндүрүш объектилери ачылды. Бул тууралуу Эмгек, социалдык камсыздоо жана миграция министрлиги билдирди.
Ага ылайык, үй-бүлөлөр мамлекеттен 100 миң сомдон алышкан. 2023-жылы мамлекет менен келишим түзгөн аз камсыз болгон 9 930 үй-бүлөнүн 13 пайызы чакан өндүрүш ачкан. Алар:
тигүү цехтери – 1 183;
темир-бетон буюмдарын, пескоблок, кирпич жана башкаларды чыгаруучу цехтер – 17;
эмерек жана пластик терезелерди чыгаруучу цех – 32;
самын жасоочу цех – 13;
чакан тегирмен – 2;
био жер семирткич жасагандар – 12 үй-бүлө;
кургатылган жемиш, курут, балмуздак жасагандар – 30 үй-бүлө.