БИШКЕК, 19-июл. — Sputnik. Ислам өнүктүрүү банкынын эксперттик миссиясы 24-28-июлда Кыргызстанга келет. Бул тууралуу президенттин маалымат кызматынан билдирди.
Маалыматка караганда, президент Садыр Жапаров жана мекеме башчысы Мохаммед бин Сулейман Аль-Жасер Жидда шаарында макулдашты.
Президент мекемеге өткөрүп берген долбоорлор боюнча маселени көтөрдү. Алардын эң маанилүүлөрү: “Менин үйүм 2021-2026” ипотекалык программасы жана “Ысык-Көл айланма жолун (104-185 км) реконструкциялоо. Мохаммед бин Сулейман Аль-Жасер бардык долбоорлорду жылдыруу анын жеке көзөмөлүндө экенин белгиледи.