БИШКЕК, 18-июл. — Sputnik. 1941-жылы дал ушул күнү бейкүнөө бөбөктөр согуштун кээрин дагы катуу сезип — бир даары жаракат алса, бир тобу фашисттердин көркоолугунан көз жумган.
Sputnik Ближнее зарубежье Telegram-каналы бул жүрөк үшүткөн окуяны эскерген видео жарыялады.
... Ленинграддан эвакуацияланган балдар али уйкусу ачыла электе Лычково станциясында вагондорго жайгаштырылган. Эшалон аларды тылга, коопсуз жайга алып кетүүгө даярданып, аны жылат, мына жылат деп турганда асмандан самолёттордун карааны пайда болгон.
Вагондордун үстүндө кызыл түстө чырым (кошуу белгилери) тартылып, анын ичине Ленинграддагы бала бакчалардан, яслилерден жана мектептерден алынган балдар жайгаштырылган. Алар менен кошо тарбиячылар, медицина кызматкерлери бар эле. Бул асмандан карагандарга да даана көрүнүп турган. Бирок аларда жүрөк, боор деген болгон эместей...
Тирүү калгандардын эскерүүлөрүнөн:
"Чурулдаган кичинекейлер жаңы эле тынчып, орун алышкан. Биз өз вагондорубузга жөнөгөнбүз. Балдардын бир катарлары эс ала баштаса, дагы бирөөлөрү кичинекей түйүнчөктөрүн ачып жатышкан. Биз сегиз кыз каалганын жанында турганбыз.
— Самолёт учуп келе жатат, биздики бекен же немистердикиби? — деди Аня.
— "Немистердики" дейсиң ... Аны эртең менен атып түшүрүшкөн да.
— Биздики эле болсо керек, — деп келе жаткан Аня чаңырып жиберди, — карасаңар, бир нерсе чачып жатышат…"
Поездге фашисттер 25 бомба таштап, андан соң пулемёт менен чайкап кетишкен...
Балдарды Лычково аймагындагы жалпы мүрзөгө бомбалоодон көз жумган педагогдор жана медайымдар менен бирге көмүшкөн.