Арык жана семиз малдын этинин аралашмасы "ала табак" деп айтылат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, көөнө сөздөрдү күнүмдүк турмушта колдоно билүү — артыкчылык.
"Көөнө сөздөрдүн арасында "ала табак" деген сөз кездешет. Бул аш-тойлордо атайын конокторго тартылган, анча семиз эмес малдын эти. Же болбосо семиз малдын эти менен арык малдын этин аралаштырып берүү", — деди Талантбеков.
Ошондой эле ал "Манас" эпосунда биз пайдаланчу сөздөр көп катылганын кошумчалады.