БИШКЕК, 14-июл. — Sputnik. Кыргызгидромет агенттиги кийинки жумада дагы күн катуу ысый турганын билдирди.
Мекеме шашылыш билдирүү таратып, 17-19-июль күндөрү аптаптуу ысык аба ырайы сакталарын маалымдаган. Абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 35…40 градуска чейин, Талас облусунда 33…38 градус болушу күтүлөт.
Мындай кургак ысык учурунда организмди суусуздандыруудан жана ысык өткөрүп алуудан сактануу үчүн күндүз күн ачык жерлерде көпкө жүрбөөгө, ошондой эле айыл чарба өсүмдүктөрүн кеңири сугаруу сунуш кылынат.
Ал эми дем алышта, 15-16-июль күндөрү, күн бир аз салкындайт.