БИШКЕК, 12-июл. — Sputnik. Россиялык аскерлер америкалык M2 Bradley согуштук техникасын олжолоп алды. Бул тууралуу Sputnik Ближнее зарубежье Тelegram-каналы кабарлап, видеолорун жарыялады.
Кадрдан кең талааны жана токтоп турган танканы көрүүгө болот. Анын ДЭРдин түндүк жагында Краснолиманск багытындагы кармашта алынганы кабарланды.
Сооттолгон бул техника анча деле талкаланбаса да жүрө албай калган. Жоокерлер аны МТ-ЛБ менен сүйрөтүп кете турганын айтышты.
Буга чейин да Тынч океан флотунун деңиз аскерлеринин 40-бригадасынын жоокерлери Түштүк-Донецк багытында украиналык Куралдуу күчтөргө тиешелүү сооттолгон америкалык Oshkosh автоунаасын колго түшүргөн.
Буга чейин да Россиянын "Восток" тобундагы аскерлери атайын операция жүрүп жаткан жерлердин эки багытында Украинанын Куралдуу күчтөрүнүн сооттолгон 50 техникасын талкалап, иштен чыгарган.