БИШКЕК, 10-июл. — Sputnik. Бишкекте түнкүсүн жолдордогу белгилер жаңыртылууда.
Дүйшөмбүгө караган түнү саат 23:00дөн 06:00гө чейин Чүй проспекти менен Шопоков көчөсүнүн кесилишиндеги жол чийиндер жаңыланды.
Мэрия күндүз жол тыгынын жаратпоо үчүн иштер түнкүсүн аткарылып жатканын белгиледи.
Жакынкы күндөрү "Ош" базарынын аймагындагы жол чийиндерин жаңылоо пландалууда.