БИШКЕК, 7-июл. — Sputnik. Бишкек — Нарын — Торугарт жолуна коюлган "Автоураган" стационардык программалык-аппараттык комплекси алты саатта эреже бузган 42 машинаны аныктады. Бул тууралуу ЖКККББ билдирди.
Маалыматка караганда, 42 автоунаа айып короого киргизилген.
Аппарат төмөнкүдөй бузулган эрежелерди аныктайт:
издөөдө жүргөн унааларды;
айыптарды өз убагында төлөбөй жүргөндөрдү;
каттоосу токтотулган унааларды;
ылдамдыкты жогорулатуу жана башка эреже бузуу.
Кошумчалай кетсек, ушундай эле аппарат 25-июндан тарта Чүй облусунун Жайыл районундагы "Сосновка" постунда, 2-июлдан баштап Чолпон-Атада ишке киргизилген.