БИШКЕК, 5-июл. — Sputnik. Жогорку Кеңешти тейлөөгө жарым жылда (январь-июнь) республикалык бюджеттен 571 миллион сом жумшалды. Бул тууралуу Финансы министрлиги жарыялаган маалыматта камтылган.
Каражаттын көпчүлүк бөлүгү — 398 миллион 526 миң сом маянага коротулган. Калганы төмөнкүдөй максатта колдонулду:
Соцфондго төлөмдөр — 53 миллион 933 миң сом;
Иш сапарлар — 15 миллион 540 миң;
Байланыш кызматтарын колдонгону үчүн — 2 миллион 303 миң сом;
Автоунааларды жана жабдууларды тейлөөгө — 21 миллион 339 миң сом;
Имарат жана курулмалар үчүн — 19 миллион 147 миң сом;
Товарлар жана кызмат көрсөтүүлөрдү алуу — 57 миллион 257 миң сом;
Чарбалык максатта сатып алынган буюм-тайымдар — 3 миллион 144 миң сом;
Транспорттук чыгымдар — 70,5 миң сом;
Коммуналдык кызматтарга — 353 миң сом.
Ошондой эле "Калкка социалдык жардам боюнча жөлөк пул" деген да берене бар, ага бюджеттен 135,4 миң бөлүнгөн.
Мындан сырткары, ЖК төрагасынын резервдик фондуна 12 миллион 618 миң сом берилген.