Кыйын кесипкөй болуп туруп, бирок эмоциясын көзөмөлдөй албаса, ал адамдын туруктуу бир жумушта иштөөсү кыйыныраак боло турганын Сейил Калдыбаева Sputnik Кыргызстан радиосунун эфиринде маек куруп жатып билдирди.
Анын айтымында, жетекчилик көп учурда көйгөйлүү кызматкерлерди каалабайт.
"Абдан кыйын адис болуп туруп, бирок эмоциясын көзөмөлдөй албаса, ал киши менен көпчүлүк иштешкиси келбейт. Мурда IQ маанилүү болсо азыр андан да эмоционалдык интеллект маанилүү болуп калды. Абдан кыйын, таланттуу, өз ишин мыкты билгени менен бат ачууланып, кесиптештери менен иштей албаса, команда менен иштөөнү билбесе жетекчиликке жакпайт. Себеби ал деле көйгөйлүү адамдын ордуна тынчыраак жүргөн киши менен иштегиси келет. Ошол үчүн эмоцияны башкарганды үйрөнүү абдан маанилүү. Болбосо сиздин маанайыңызды башка адамдар пульт менен көзөмөлдөгөндөй башкарып коюшу мүмкүн, — деди психолог.
Ал ошондой эле стресс жаман деген түшүнүк жаңылыштык экенин кошумчалады.