БИШКЕК, 29-июн. — Sputnik. Министрлер кабинетинин төрагасы Акылбек Жапаров Жогорку Кеңештин депутаттарын сессиянын жыйынтыкталган урматына "Ала-Арча" мамлекеттик резиденциясына кечки тамакка чакырды. Бул тууралуу маалыматты Sputnik агенттигине эл өкүлдөрү тастыкташты.
Бүгүн парламент соңку иш күнүн жыйынтыктады. Депутаттар эртеңден тарта каникулга тарап, сентябрда ишке чыгышат. Ага чейин өлкөдө олуттуу маселе жаралып калса кезексиз жыйынга чогулушат.
Депутаттарды чайга чакыруу салтка айланып баратат. Былтыр парламентарийлер "Дасмияга", 2021-жылы Rixos Hall тойканасына барышкан.