БИШКЕК, 27-июн. — Sputnik. Россиянын Куралдуу күчтөрүнүн жетекчилигинин өзөгүн кимдер түзүшү керектигин президент Владимир Путин Коргоо министрлигинин жоокерлери менен болгон жолугушуусунда айтып берди.
Мамлекет башчысы куралдуу көтөрүлүштүн мизин кайтарганы үчүн аскерлерге ыраазычылык билдирип, атайын операция учурунда душмандын техникасын жок кылуу иштерин белгиледи. Ал контрчабуул башталгандан бери душман 259 танкын жана 780 сооттолгон техникасын жоготкондугун кошумчалады.
“Россиянын Куралдуу күчтөрүнүн, анын ичинде авиациялык бөлүгүнүн жетекчилигинин өзөгү жакынкы келечекте тирешүүдө өзүн татыктуу көрсөткөндөрдөн түзүлүшү керек”, — деди Путин.
Ошондой эле россиялык лидер бул жолугушууда "Вагнердин" бардык тобу мамлекет тарабынан каржыланып келгенин айтты.