Бир куткаруучу сууга түшүп жаткан 10 балага көз салып турушу керек. Бул тууралуу Арген Кабылбеков Sputnik Кыргызстан радиосунун эфиринде маек куруп жатып билдирди.
Анын айтымында, куткаруучулар эс алуучулардын санына жараша болушу кажет.
"Бир куткаруучу сууга түшүп жаткан 10 балага көз салып турушу керек. Эгер эс алуучу жайда элдин саны көп болсо, куткаруучулардын саны да ошого жараша болууга тийиш. Куткаруучу болуш үчүн да талаптарга жооп бериши шарт. Ириде ал адам өзү сүзгөндү жакшы билиши керек. Ошондой эле адам сууга чөгүп бараткан учурда аны сактап калуунун эрежелерин билип, иш жүзүндө аткарганы маанилүү. Атайын окуудан жана машыгуудан өткөндүгү тууралуу баракчалары болууга тийиш", — деди Кабылбеков.
Ал балдардын коопсуздугуна эң биринчи кезекте ата-энеси жооптуу экендигин кошумчалады.