БИШКЕК, 19-июн. — Sputnik. Германиянын федералдык президенти Франк-Вальтер Штайнмайер 21-23-июнда Кыргызстанга расмий сапар менен келет. Бул тууралуу президенттин маалымат кызматы билдирди.
Сапардын алкагында Садыр Жапаров менен эки тараптуу сүйлөшүүлөр пландаштырылууда.
Мамлекет башчылар кыргыз-герман эки тараптуу жана көп тараптуу кызматташуу маселелеринин кеңири спектрин талкуулашат. Ошондой эле достук жана өнөктөштүк маанайдагы мамилелерди мындан ары өнүктүрүүнүн келечеги тууралуу баарлашары айтылды.