БИШКЕК, 18-июн. — Sputnik. Украинаны демилитаризациялоо тапшырмасы чындыгында аткарылды, алар азыр өзүнүн куралдарын азыраак пайдаланып калышты. Мындай билдирүүнү Россиянын президентинин маалымат катчысы Дмитрий Песков айтканын РИА Новости жазды.
"Украина атайын операциялар башталган учурда абдан милитаризацияланган эле. Кечээ Владимир Путин айткандай, коюлган тапшырмалардын бири – аны демилитаризациялоо болчу. Иш жүзүндө бул милдет көп тарабынан аткарылды, себеби Украина барган сайын өзүнүн куралын аз колдонуп жатат, алар көбүнчө Батыш өлкөлөрү жеткирген курал-жаракты пайдаланышууда", — деди ал.
Шейшембиде Россия лидери Украинада жакын арада аскердик-өндүрүштүк комплекси такыр эле жок болорун, анткени аларга ок-дары, курал-жарак, техникалардын баарын чет мамлекеттер алып келип жатканын айткан.
Өткөн жылдын февраль айында Россия атайын операцияларды баштаганда Путин анын максаты – сегиз жыл бою Киев режиминин геноцидинен жабыркаган элди коргоо экендигин айткан. Бул үчүн Украинаны демилитаризациялоо жана денацификациялоо керектигин, бардык аскердик кылмыштарын сотко өткөрүү зарылдыгын белгилеген.