БИШКЕК, 18-июн. — Sputnik. Украина тараптын жоготуулары боюнча маалыматтардын бардыгы каршылаштын сөздөрүнөн тастыкталып жатат. Бул тууралуу Владимир Путин айтканын РИА Новости жазды.
РФ президентинин аскердик кабарчылар менен баарлашуусу "Россия 1" телеканалындагы "Москва. Кремль. Путин" программасында көрсөтүлдү.
“Байланыш каражаттары сиздерге белгилүү. Каршылаш ошол байланыш каражаттары менен колдонот, биз дагы колдонобуз. Алар бизди угуп турат, биз да аларды угабыз. Баса, каршылаштын жоготуулары боюнча силерге айткандарымды алар бири-бири менен сүйлөшүүсүндө тастыктап жатат. Каналдар абдан көп”, – деди Путин.
Россиялык лидер аскердик кабарчылар менен буга чейинки жолугушуусунда Украина масштабдуу контрчабуулга өтүп, бирок чоң жоготууга учураганын билдирген. Ал ошондой эле РФтин Куралдуу күчтөрү 54, Украинаныкы 160тан ашык танка менен 360 ок өтпөс машина жоготконун кошумчалаган.