БИШКЕК, 16-июн. — Sputnik. Баткенге коңшу мамлекеттердин биринен аткезчилик жол менен дары-дармек алып кирген машина кармалды. Бул тууралуу УКМК билдирди.
© Фото / пресс-служба ГКНБ КР
Аткезчиликке каршы күрөшүү иш-чараларынын жүрүшүндө Лейлек районунун 30 жаштагы С.у.И. жана 32 жаштагы М.Т.З. аттуу тургундары колго түшкөн. Алар Audi A6 үлгүсүндөгү автоунаага препараттарды жүктөп Лейлек районунан Кадамжайды көздөй багыт алган.
"Шектүүлөр дары-дармекти соода түйүндөрү аркылуу сатууну көздөшкөн", — деп айтылат маалыматта.
Жүк атайын сактоочу жайга токтотулуп, факты боюнча тергөөгө чейинки текшерүү иштери башталды. Ошондой эле жүктү жок кылуу үчүн материалдарды бажы органдарына өткөрүп берүү мүмкүнчүлүгү каралууда.