БИШКЕК, 14-июн.— Sputnik. Кыргызстан менен Өзбекстандын чек арасынан мыйзамсыз өтүүгө аракет кылган төрт бангладештик жана бир өзбекстандык киши кармалды. Бул тууралуу УКМКнын маалымат кызматынан кабарлады.
© Фото / пресс-служба ГКНБ КР
Алар Ош облусуна караштуу Кара-Суу районунун Кызыл-Кыштак айыл аймагындагы "Кум" чек ара тилкесинде Кыргызстандан өзбек тарапка чек ара көзөмөл өткөрүү жайынан тышкары өтүүгө аракет кылышкан. УКМК бангладештиктерге көмөктөшүүгө өзбекстандык 29 жаштагы М.Н.Р. аракет кылгандыгын билдирди.
Комитеттен учурда бул кылмышка тиешеси бар башка адамдарды аныктоо боюнча тиешелүү ыкчам тергөө иш-чаралары жүргүзүлүп жатканын айтышты.