БИШКЕК, 13-июн. — Sputnik. Өнүктүрүү агенттиги инвесторлор менен биргеликте Бишкек боюнча электромобилдерди кубаттоочу түйүндөрдү ача турганын ведомствонун директору Курманбек Молдокулов билдирди.
Ал Sputnik Кыргызстан агенттигинин маалымат борборунда өткөн "Мэрия Бишкектин инфраструктурасын МЖӨ аркылуу кантип өнүктүрөт?" аттуу брифингге катышкан.
© Sputnik / Асел Акмат
"Электромобили бар шаардыктар унаасын кубаттап жаткан учурда токтотмону акысыз пайдалана алат", — деди Молдокулов.
Ал долбоор ушул жылы ишке ашарын белгиледи, азыркы тапта түзүлүштөр орнотулуп жатат. Бишкек мэриясына караган токтотмо жайгашкан Киев көчөсүндө эки кубаттоочу түзүлүш бар.