БИШКЕК, 13-июн. — Sputnik. Шаршембиде күндүз айрым тоолуу аймактарда өткүн өтүп, күн күркүрөшү ыктымал. Бул тууралуу Кыргызгидромет маалымдады.
Дыйканчылык аймактарда жана өрөөндөрдө, Талас, Баткен облустарында жаан-чачын болбойт. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүй өрөөнүндө +31...+36, Талас аймагында +29...+34, Ош, Жалал-Абад, Баткен облустарында +32...+37, Ысык-Көл чөлкөмүндө +24...+29 жана Нарын жергесинде +23...+28 градус болору айтылды.
Термометрдин көрсөткүчү Бишкекте +34...+36, Ош калаасында +35...+37, Чолпон-Ата шаарында +25...+27 градусту көрсөтөт.