БИШКЕК, 12-июн. — Sputnik. Токтоболот Абдумомунов атындагы Кыргыз улуттук академиялык драма театры 20-июнь күнү 96-сезонун расмий жаба турганын билдирди.
Бул күнү театр сүйүүчүлөрүнө Жалил Садыковдун "Төлгө" спектакли тартууланмакчы.
Ал эми ага чейин, 16-17-18-июнь күндөрү, Чыңгыз Айтматовдун калемине таандык "Кызыл жоолук жалжалым" повестинин негизинде коюлган "Ашуу" спектаклинин премьерасы болот.
Театр күзүндө кайрадан күйөрмандар менен жолугарын кошумчалады.