БИШКЕК, 11-июн — Sputnik. Үстүбүздөгү жылдын январь-май айларында ИДПнын көлөмү 355 миллиард сомго жакындап, 2022-жылдын беш айына салыштырмалуу 3,4 пайызга көбөйдү. Бул тууралуу Улуттук статистика комитети кабарлады.
2023-жылы өнөр жай продукцияларынын көлөмү 165 миллиард сомдон ашып, 2022-жылдын январь-майына салыштырмалуу 1,2 пайызга өскөн.
Оң тенденциялар курулушта (4,6 пайыз), айыл чарбасында (2,4 пайыз), дүң жана чекене соодада (15,4 пайыз) байкалган.
Ушул жылдын беш айында керектөө баалары жана тарифтери жалпы республика боюнча мурунку жылдын декабрына салыштырганда 4,3 пайызга өстү.
Кыргызстандын товарларынын тышкы жана өз ара соодасынын көлөмү январь-апрель айларында 3,9 миллиард долларды түзүп, 2022-жылдын ушул мезгилине салыштырмалуу 25,5 пайызга көбөйгөн.