БИШКЕК, 11-июн. — Sputnik. Кеминдин Орловка шаарындагы көлмөгө чөгүп кеткен эки кишинин биринин сөөгү табылып, экинчиси изделүүдө. Бул тууралуу ӨКМ кабарлады.
© Фото / пресс-служба МЧС КР
Маалыматка ылайык, 32 жаштагы эркек кишилер эс алабыз деп 9-июнь күнү кечке маал сууга барышкан. Көлмөгө чөгүп кеткендердин бири Ж.уулу А. аттуу адамдын сөөгү кечээ, 10-июнь күнү, саат 10:50дө табылган. ӨКМ экинчи адамды издөөгө үч суучул, эки куткаруучу, эки милиция кызматкери жана чөккөн кишинин туугандары тартылганын айтты.