БИШКЕК, 8-июн. — Sputnik. Евразия өнүктүрүү банкы Бишкек мэриясына ордо калааны өстүрүп жакшыртууга мамлекеттик-жеке өнөктөштүк аркылуу жардам көрсөтмөкчү. Меморандумга Сочиде өтүп жаткан Евразиялык конгресстин алкагында ЕАӨБ башкаруучулугунун төрагасынын орун басары Денис Ильин менен Бишкек мэри Эмилбек Абдыкадыров кол койду.
Долбоордо сапаттуу инфраструктура түзүү каралган.
Жолугушуу учурунда тараптар мамлекеттик-жеке өнөктөштүк аркылуу ишке аша турган бир катар инфраструктуралык долбоорлорду талкуулап жатканы белгилүү болду. Мындан тышкары, аталган банк менен Бишкек мэриясы таштанды маселеси сыяктуу көйгөйлөрдү жоё турган мамлекеттик-жеке өнөктөштүктүн колдонулуп келген мыкты тажрыйбаларын ишке ашырууга макулдашкан.