БИШКЕК, 4-июн. — Sputnik. Бишкекте өткөн рейтингдик турнир соңуна чыгып, эркин күрөш боюнча кыргызстандык балбандар үч алтын, эки күмүш жана үч коло байгеге татыктуу болушту. Бул тууралуу Маданият, маалымат, спорт жана жаштар саясаты министрлиги билдирди.
Жогорку байгени Орозобек Токтомамбетов, Алмаз Сманбеков, Тайырбек Жумашбек уулу алса, күмүш байгеге Алибек Осмонов, Бекзат Алмаз уулу ээ болду. Ал эми коло медалды Эрназар Акматалиев, Абдымалик Карачов жана Икромжон Хаджимурадов тагынган.
Эскерте кетсек, турнир Каба уулу Кожомкулдун жана Раатбек Санатбаевдин элесине арналып уюштурулган. Ага дүйнөнүн 20 өлкөсүнөн 500дөй спортчу катышты.