БИШКЕК, 29-май — Sputnik. Бишкектеги Asia Mall соода борборунун оюн-зоок залында бомба коюлганы тууралуу маалымат түшүп, ичиндегилер эвакуацияланды. Бул тууралуу окуянын күбөсү кабарлап, видеосун жөнөттү.
Ал эми шаардык милициянын маалымат кызматы бомба туурасында саат 10:05те чакыруу түшкөнүн билдирди. Ленин райондук ички иштер башкармалыгынын кызматкерлери соода борбордун айланасын курчоого алып, текшерүү иштерин жүргүзүп жатат.