БИШКЕК, 26-май — Sputnik. Жалал-Абад облустук Көркөм сүрөт мектеп-интернатынын директору Ч.Ч.А. кол алдында иштегендерди мажбурлап, айлык акысынын бир бөлүгүн алып турган. Бул тууралуу УКМК билдирди.
Маалыматка караганда, шектүү быйыл февралда кызматка дайындалган мезгилинен тарта ушундай ишке барып жүргөн.
"Мугалимдер 20 миң сом айлык алса, анын 5 миң сомун директорго берүүгө мажбур болушкан. Ошондой эле ал мектептин ашпозчусун жумуштан кетирем деп коркутуп 17 миң сом алгандыгы аныкталды", — деп айтылат маалыматта.
Азыркы тапта тергөө иштери жүрүп жатат.