БИШКЕК, 24-май — Sputnik. Евразиялык экономикалык биримдиктин өлкөлөрү өз ара тажрыйба алмашуу жаатында союздун алкагында европалык билим берүү программаларына окшош академиялык программаларды түзө алышат.
Бул туурасында Москвада өтүп жаткан II Евразиялык экономикалык форумда Евразия экономикалык комиссиясынын өнөр жай жана агроөнөр жай комплексинин коллегия мүчөсү Артак Камалян билдирди.
Евразия экономикалык комиссиясынын өнөр жай жана агроөнөр жай комплексинин коллегия мүчөсү Артак Камалян
© Фото / пресс-служба ЕЭФ / Максим Григорьев
Анын айтымында, программанын максаты — илим-изилдөө боюнча кызматташтык программаларын өнүктүрүү жана технологиялык суверендүүлүккө өбөлгө түзүү.
"Билим берүү, илим, ар кыл ойлоп табуулар, илимий изилдөө тажрыйбалары жаатына келсек, өлкөлөр ортосунда кызматташуу жок. Бул биздин келишимдерди жөнгө салбайт жана мунсуз технологиялык суверенитетти түзүү мүмкүн эмес", — деген ал.
Камалян ЕЭКтин келишимине бир катар ыйгарым укуктарды кошууну айтты.
"Келишимге технология, илим жана билим жаатында кызматташуу жана ыйгарым укуктарды кошуу зарыл", – деген ал.