БИШКЕК, 22-май — Sputnik. Россиянын Аскер деңиз флотунун суу алдында жүрүүчү кайыктары Улуу Британиянын инфраструктурасын бузуп жана "кыйын сценарийге" алып келиши мүмкүн. Бул тууралуу Daily Mail жазганын РИА Новости кабарлады.
"Россия Британиянын энергетикалык кабелдерин мелжеп, маалыматтарды тараткан кабелдерин глобалдуу тармактан өчүрүп, Бириккен Падышалыктын жашоосун кооптуулукка кептеши мүмкүн деген түйшөлүү бар", — деген тейде жазган басылманын баяндамачысы Крис Плезанс.
Анын айтымына караганда, Россиянын мындай кабелдерге жасаган соккусу "оңдурбаган кесепеттерге" кептеши мүмкүн. Мисалы, саламаттыкты сактоо, экономика, интернеттин иштеши, мобилдик байланыш жана интернет менен кызмат көрсөтүүлөр кооптуулуктун алдында калат.
Журналист мындан сырткары энергетикалык тармактын иши бузулса, ал жапырт башаламандыкка алып келиши мүмкүндүгүн айткан.
Басылма өлкөнүн Коргонуу министрлиги Бен Уоллес аскер деңиз программаларын Москванын "суу астындагы электр жана байланыш линияларына чабуул жасоо үчүн иштелип чыккан" кол салуу боюнча саксактап турууну эскерткендигин да жазган. Анын айтымына караганда, бул кадамдарды анча чоң эмес, аралыктан башкарылуучу суу алдындагы кайыктар менен жүргөн суучулдар жасашы мүмкүн.
Буга чейин Улуу Британиянын өкмөт башчысы Риши Сунак британиялык энергетикалык жана байланыш инфраструктурасынын зыянга учурап калуу ыктымалдыгы боюнча комментарий берген. 2017-жылы парламенттин өкүлү болуп турганда "кастыктан жасалган кадамдан улам суу алдындагы кабелдик тармактын иштен чыгышы" боюнча белгилеген эле. Бул өзөктүк курал менен сокку урганга барабар болот деген тейдеги баасын да берген. Саясатчы мындан сырткары өтө маанилүү болгон кабелдердин калыңдыгы "бакчанын түтүктөрүнөн калың эместигин", аны керектен чыгаруу үчүн өтө деле көп күч талап кылынбай тургандыгын кошумчалаган.